ፕሉቶ የፈለክነት ማዕረጓን ያጣችው ከሃያ ዓመት በፊት በዚህ ሣምንት ነበር

ልክ የዛሬ 20 ዓመት ፣ ፕሉቶ የፈለክነት ማዕረጓን ተነጠቀች"ከዓመታት ክርክር እና ከአንድ ሳምንት መራር ውይይት በኋላ፣ የሥነ ፈለክ ተመራማሪዎች በፀሐይ ሥርዓታችን ላይ መጠነ ሰፊ የሆነ ዳግም ምደባ ለማድረግ ድምጽ ሰጡ። አብዛኛዎቹ ተመራማሪዎች 'ከስሜታዊነት ይልቅ ሳይንሳዊ እውነታ ያሸነፈበት' ብለው በገለጹት በዚህ ታሪካዊ ውሳኔ፣ ፕሉቶ ከፈለክነት ወደ 'ድንክ ፈለክ'ነት ደረጃ እንድትወርድ ተደረገች።"— ሲል ያስነብበናል እ.ኤ.አ ኦገስት 24 ፣ 2006 የወጣው የኒው ዮርክ ታይምስ ጦማርእ.ኤ.አ. ነሐሴ 24 ቀን 2006 ዓ.ም በፕራግ ከተማ የተሰበሰቡት የዓለም አቀፉ የሥነ ፈለክ ኅብረት አባላት በታሪክ ውስጥ እጅግ አነጋጋሪ የሆነ ውሳኔ አሳለፉ። ለ76 ተከታታይ ዓመታት የፀሐይ ሥርዓታችን 9ኛዋ ፈለክ ተብላ ስትጠራ የነበረችው ፕሉቶ፣ ማዕረጓን ተነጥቃ ወደ "ድንክ ፈለክ" ዝርዝር እንድትዛወር ተፈረደባት። ይህ የብዙዎችን ስሜት የነካ አከራካሪ ውሳኔ ከተላለፈ እነሆ ልክ 20 ዓመት ሞላው።ለመሆኑ ይህ ውሳኔ ከየት መጣ? ለምንስ ተወሰነ? የተፈጠረው የሳይንቲስቶች እና የህዝብ ክርክርስ ምን ይመስል ነበር?ፕሉቶ ማዕረጓን ያጣችበት ምክንያትሳይንቲስቶች የቴክኖሎጂን ማደግ ተከትሎ በኅዋ ምርምር አዳዲስ ግኝቶችን ማግኘት ሲጀምሩ፣ ከፕሉቶ ጋር የሚስተካከሉ እንደ 'ኤሪስ' የመሳሰሉ ሌሎች የሰማይ አካላትን አገኙ። በመሆኑም "አንድ የሰማይ አካል ፈለክ ለመባል ም...